Kuri iki cyumweru tariki 7 Nyakanga 2024, Ikipe y’Ingabo z’u Rwanda mu mukino wa ‘Handball’ yegukanye igikombe cya Shampiyona itsinze POLICE HC ibitego 35 kuri 25.
APR HC yageze ku mukino wa nyuma isezereye GICUMBI HC mu gihe POLICE HC yo yasezereye ES KIGOMA HC.
Nk’uko biba biteganyijwe ko amakipe yageze ku mukino wa nyuma akina imikino ibiri cyangwa itatu mu gihe banganyije intsinzi, umukino wa mbere ikipe ya POLICE HC yatewe mpaga nyuma yo kwikura mu kibuga kubera kutumvikana kuri penaliti yari ihawe APR HC.
Ku wa Gatandatu, POLICE HC yatsinze umukino wa kabiri ibitego 34 kuri 27 bya APR HC.
Umukino wa kamarampaka wabaye kuri iki cyumweru ari nawo APR HC yegukaniyemo igikombe warangiye APR itsinze POLICE HC ibitego 35-25.
Umwanya wa Gatatu wegukanwe na GICUMBI HC itsinze ES KIGOMA HC ibitego 21-17.
APR HC yaherukaga gutwara shampiyona mu mwaka w’imikino wa 2016/2017.